مشتـــــاقلك .....
يالحبك طفل غافي بحضن كاروك
حمل كل البراءة بغمضة عيونه
كلي شلون اعوفك وانته هم تنعاف
وعشكك صار ليلى واني مجنونه
اريدن كلشي بيك وكلشي ماريد
لان شخصك ابد ما اسوه من دونه
حبيبي انته ومحال اني اكدر بلياك
لان طبع الثمر ما ينكر غصونه
بعيد انته وعليك كليبي صاير نار
ولك مشتاكلك ارجوك طفيني
ما اصبر بعد جبت العمر ايوب
واظن طين الصبر مصنوع من طيني
ما فد يوم هبت نسمة من افراح
بس من الحزن سورات تلفيني
ولان متعلم اصبر الهن اتحديت
ما أوكع صح .. بس طشرن سنيني
موضوع: مشتاكلك00000000 
السبت سبتمبر 20, 2008 11:49 am
