ابوذيات تحشيش رحمة لوالديكم فوتو تحصلون حسنة هع

[

ابوذيات تحشيش

صديق الما يوافي وياك گرطه
يشبهونه بگمر والوجه گرطه
اسافر ردت واحتاجيت گرطه
دبلوماسيه

شوفو اخير كلمة كَرطة
ربطهــا بالجنــطة ... على نفس الوزن
او كلمة مردافه تحشيشيـة
والقفل اح يكون كلمة وحده او كلمتين دالات على اخر جناس
تحيـــاتي وهذه ابوذيتي اليوم

صديقك لو لفالك حار برده
وعن الشمس حطلك روح برده
اشتريد حزام واحتاجيت برده
رباع الاف

صديقــك لو فزع ويــآك / هدله
وعلى الطيبيــن هذا الزيـج / هدله
انه لكَيت العمـل محتاج / هدلــه
زركَــه

هنا هدله رادفتهه ويه ( بدلة )
راح ارد ابدال سنو وايت
لا تگضي العمر يا صاح خده
اموت ولوبست فد يوم خده
وليأذيك لتخلي خد ه
على حلگه

هنا يعني (لده)

صحت دنياي ابد مسمَعت .. طَرشة
وإلك مرسال هذا الگلب .. طَرشة
لإن معجون إنته وآنا ... طرشة
( مالت اسنان )

اضل وياك طول العمر طالب
وعلى مودك لبست هدوم طالب
رحت للمدرسه احتاجيت طالب
طباشير

شما يرخه الحبل وياي سمته
لان شخصك رخيص الثمن سمته
جعت واباب بيتك شفت سمته
/ مشويـة /

لسانك عليّ طايل ولك .. توبة
منّك ما تصح لله .. توبة .....؟؟
عشرتي وياك صارت لِعب .. توبة
(نايلون)

دنيه وما تريد الفرح بوري
لدتني عدل عالراس بوري
المن نشتكي والحكم بوري
المالكي

اريد اعتب على الخوان ... والخال
عليل وما لگيت الأخو .. والخل
حجي لسانك حلو لاعسل ...لاخل
(يولن )

صبر حزني صبر ايّوب .. عادَل
لإن ما صرت مرّة وياي .. عادل
خبر موتني تذيعه الصحف .. عادل
( عاجل الخبر )

وحگ عيسه ونبي الله موسى
الوكت داير علي فد نوب موسه
حبيبك لو تحبه صدگ موسه
من حلگه

الي وكفات وياكم .. عديدة
يعدني يگول خمستكم .. عديدة
لإن گلبي حمة چنة .. عديدة
( عديدة وخشبة )

صديق اللي يوافي وياك حشمه
بنات اليوم مليانات حشمه
صديقي اللي اموت علي حشمه
چبير مضايقني

خنتيني وما وفيتي وياي ... مرة
وراواني العشگ عسرة .... ومرة
ردتچ تفهميني ولو ... مرة
بلبايسكل !!!

بلم گلبي وابد ما يوم -- راسي
ومن الضيـم طاير قبق -- راسي
دفاع وبيه نشــد حــــزام-- راسي
شنيشــل

البرد مو زين على الحلوين نشال
حرامي الوكت للزينين نشال
سألوني شنو شتريد نشال ؟
دبدوب

يل بزعلك بنص الروح / مارد
اروح تريد .بس بشرط / ما أرد
علاء الدين ما ينفع / ومــآرد
المصباح السحري

چنت فرحان شخصك علي طايف
وحجيتك يابعد الروح طايف
گعدت وشلون چني تگول طايف
فلم رعب

أنه بدرب الحقد ابدآ ( مسآري )
العقل اهوه الذي خطط ( مساري )
شكيرآ وياي ما تنفع ( مساري )
من يغني Real Love

گلبي ما نكسر وياك عامر
ومضيفي دوم للخطار عامر
دروح واسمع لكاظم وعامر
حسني

احسن من مساري

الگلب من مآت بوصيته ( وصاله )
لان كلك نزاهه انتَ ( وأصالـــه )
بعد ما اطرب لمايـــــا ( واصـاله )
مال بلي ستيشن

يمر وما يسلم علي عادي
ولچن ما ينذكر فد يوم عادي
زياد اسمع اغاني مال عادي
الحلاني

والله رويت من تفاح ( خده )
وعليه گاضي العمر بالنوم ( خِده )
تشوفه زغير وهو بكبر ( خده )
السابع عشر

انادي اعليك يا محبوب .. بس تان
حديقة وصرت من فرگاك .. بستان
ومن ثوب الحزن فصّلت .. بستان
( مال عرس )

شنو سجاد صاير صدگ حشاش
واجيت لوردك انه اليوم حشاش
اجيك اليوم لو مو تكض حشاش
نص اخمس

فرقد باللعب بس انتَ تلعب
مثل نجمة صبح بالليل تلعب
احذرك لو اجاك بليل تلعب
التعلب الماكر

[/size][/size][/size]

عاااااااااااااااشت ايدددددددددددددددددددددددددك

شكرااااااااااااااااااااااااااا