قصيدة عتب عراقيه للعرب جميعا!!!!!!

قصيدة عتب عراقيه للعرب جميعا بعنوان( بعد مااريد فيزة)

القصيدة لشاعر عراقي

بعد مااريد فيزة ولا لجوء انسان
عمت عين الاقامه الدنست صيتي

واشكر كل صديق وكل خوي وكل جار
قفل بابه ورفض يقبل عراقيتي

خلف الله عليكم والوكت دولاب
لابد يوم ينزل بيكم ارضيتي

لان اول امس كل البشر خدام
جانو للعراق واكلو ابيتي

جان الضيف عندي مكرم ومهيوب
فوك الراس اشيله وهاي تربيتي

ماداعي اسولف وانه ابو النهرين
وياهو الماسمع اخبار حنيتي

بعد بصمات ايديهم والطبع موجود
من جانو جياع بوسط صينيتي

يادنيه حرام ومنكر ومكروه
اذا ابن العراق اليوم وطيتي

معقوله نسيتي اسم العراق بساع
لو مثل البشر همن تناسيتي

ميفيد الحجي ولاتنفع الجلمات
راجع ياوطن لترابك الزيتي

راجع ياحبيبه كلبي بغداد
وادري بكثر ماونيت ونيتي

وادري لوحدج عفناج صار سنين
وادري من الحزن تابوت سويتي

جيب الاغتراب وحطه بالتابوت
ياغربه العراق شكثر اذيتي

مااعيش ابحر مالح طعم ياناس
انه بسجن الفرات وفقط حريتي

وترابي ذهب والكاع من ياقوت
ومن ثوب الكرامه البسهه بيريتي

واذا كالولترجع والوضع مو زين
اكول اني الوضع والزين تاليتي

وميهمني بعد ليصير خلي يصير
طعم الموت اشرف من هجر بيتي

اموت بوسط خوتي وياحلاوة الموت
من اجمع اهلنه واكتب وصيتي

وصيتي لو متت لتجفنوني جفان
لفوني بعلمنه وهاي امنيتي

واذا تردون اليه بهالكبر ارتاح

امانه الله دفنوا وياي جنسيتي
امانه الله دفنو وياي جنسيتي

شكرا على مرورج

روووووووووووووووووعة

عاشت الايادي يسلمووووووووووووووووو

منورين وشكرا لردودكم